Welcome to Weblog Samouay Portal
F

ເປີດການນຳໄຊ້ໄຟຟ້າ ດ່ານທ້ອງຖິ່ນອາສົກ ແລະ ອາຈາ ເມືອງສະໝ້ວຍ

ພິທີເປີດການນຳໄຊ້ໄຟຟ້າ ດ່ານທ້ອງຖິ່ນອາສົກ ແລະ ດ່ານທ້ອງຖິ່ນອາຈາ ເມືອງສະໝ້ວຍ ແຂວງສາລະວັນ ຈັດຂື້ນໃນວັນທີ 4 ພະຈິກ 2019 ທີ່ດ່ານທ້ອງຖິ່ນອາສົກ, ໂດຍການເຂົ້າຮ່ວມຂອງທ່ານ ວິຊຽນ ນະວິກຸນ ຮອງເຈົ້າແຂວງ ຜູ້ຊີ້ນຳຂົງເຂດເສດຖະກິດຂັ້ນແຂວງ, ຕາງໜ້າໃຫ້ລັດວິສະຫະກິດໄຟຟ້າລາວເຂົ້າຮ່ວມໂດຍ ທ່ານ ບຸນສຽງ ລັດຕະສິງ ຫົວໜ້າຝ່າຍປະຕິບັດການໄຟຟ້າພາກເໜືອ ແລະ ພາກໃຕ້, ທ່ານ ບຸນເຕີ້ຍ ດວງສຸລິຍະວົງສາ ຮັກສາການເຈົ້າເມືອງໆສະໝ້ວຍ ຕະຫຼອດຮອດຜູ້ຕາງໜ້າພະແນກການ, ຫ້ອງການທີ່ກ່ຽວຂ້ອງຂອງເມືອງເຂົ້າຮ່ວມ.
ທ່ານ ເດດສຸວັນ ມະໄລທອງ ຫົວໜ້າລັດວິສະຫະກິດໄຟຟ້າລາວ ສາຂາແຂວງສາະວັນ ໄດ້ລາຍງານໃຫ້ຮູ້ວ່າ: ໂຄງການກໍ່ສ້າງຕາຂ່າຍໄຟຟ້າ 22 ກິໂລໂວນ ລວງຍາວເກືອບ 5 ກິໂລແມັດ ພ້ອມຕິດຕັ້ງໝໍ້ແປງ 3P 50 ກິໂລວັດອໍາແປ ເຂົ້າດ່ານທ້ອງຖິ່ນອາສົກ ແລະ ດ່ານທ້ອງຖິ່ນອາຈາ ເມືອງສະໝ້ວຍ ໄດ້ລົງມືຈັດຕັ້ງປະຕິບັດມາແຕ່ຕົ້ນເດືອນຕຸລາ 2019 ແລະ ສຳເລັດ 100% ໃນຕົ້ນເດືອນພະຈິກ 2019 ໂດຍແມ່ນລັດວິສະຫະກິດໄຟຟ້າລາວ ສາຂາແຂວງສາລະວັນ ເປັນຜູ້ຈັດຕັ້ງປະຕິບັດ ໃນມູນຄ່າ 7 ຮ້ອຍລ້ານກ່ວາກີບ, ເຊິ່ງສືບຕໍ່ດຶງຈາກຕາຂ່າຍໄຟ້ຟ້າທີ່ມີແລ້ວຈາກບໍລິສັດເພັດໄລພອນການໄຟຟ້າ.

No comments:

Post a Comment