Welcome to Weblog Samouay Portal
F

ບໍລິສັດ ສະຕາໂທລະຄົມ ເປີດທົດລອງ 5G ຄວາມໄວສູງ

ຂປລ.ບໍລິສັດ ສະຕາໂທລະຄົມ(ຢູນີເທວ) ໄດ້ເປີດທົດລອງນຳໃຊ້ 5G ຢູ່ກອງປະຊຸມລັດຖະມົນຕີ ICT ອາຊຽນ TELMIN 19 ເຊິ່ງຈັດຂຶ້ນລະຫ່ວາງວັນທີ 19-25 ຕຸລາ ຜ່ານມາ, ທີ່ນະຄອນຫລວງວຽງຈັນ ກໍຄືໃນງານສະເຫລີມສະຫລອງ ຢູນີເທວ ຄົບຮອບ 10 ປີ ທີ່ບໍລິສັດ ສະຕາໂທລະຄົມ, ດ້ວຍຄວາມໄວສູງສຸດໄດ້ເຖິງ 1.7 Gbps (ຖ້າໃຊ້ຄວາມຖີ່ 5G ຢ່າງດຽວ) ແລະ ຖ້າຫາກໃຊ້ ສັນ ຍານ ຮ່ວມ 4G ຈະໄດ້ຄວາມໄວສູງສຸດເຖິງ 2.5 Gbps ເມື່ອນຳໃຊ້ແບບລະບົບ DualCon nec tion ໃຊ້ສັນຍານ ຮ່ວມກັນທັງ 5G ແລະ 4G ແລ້ວສົ່ງຫາອຸປະກອນປາຍທາງ.
ທ່ານ ລິວ ແມັງ ຮ່າ ຜູ້ອຳນວຍການໃຫຍ່ບໍລິສັດ ສະຕາເທເລຄອມ ໄດ້ກ່າວວ່າ: ການທົດລອງ 5G ທີ່ປະສົບຜົນສຳເລັດ ແມ່ນການລິເລີ່ມຂອງເຄືອຂ່າຍ 5G ທີ່ສົມບູນໃນອະນາຄົດອັນໃກ້ນີ້ ເຊິ່ງເປັນບົດບາດຂອງບໍລິສັດ ໃນປັດຈຸບັນ ທີ່ບຸກເບີກໃນການພັດທະນາລະບົບ ດີຈີຕອນ ທີ່ທັນສະໄໝ. ນອກຈາກການມີເຄືອຂ່າຍ 4G ທີ່ສາມາດ ສົ່ງສັນຍານໄດ້ທົ່ວປະເທດແລ້ວ ຢູນີເທວ ຍັງມີເປົ້າໝາຍໃນການສ້າງເຄືອຂ່າຍ 5G ເພື່ອຕອບສະໜອງຄວາມຕ້ອງການຂອງສັງຄົມ, ດ້ວຍຄວາມລະອຽດສູງສຸດ ແລະ ສາ ມາດເຊື່ອມຕໍ່ IoT ເພື່ອນຳໃຊ້ເຂົ້າໃນຜະລິດຕະພັນຂໍ້ມູນຂະໜາດໃຫ່ຍ ເປັນຕົ້ນແມ່ນ ຜະລິດຕະພັນ AI ສາທາລະນະສຸກ, ອຸດສາຫະກຳ, ກະສິກຳ ແລະ ປ່າໄມ້ ເພື່ອຮັບໃຊ້ຂະບວນການຫັນເປັນດີຈີຕອນ. ຕາມແຜນການແລ້ວ, Unitel ຈະສືບຕໍ່ຂະຫຍາຍການທົດລອງເຄືອຂ່າຍມືຖື 5G ໃນບາງແຂວງ ເພື່ອໃຫ້ລູກຄ້າ ສາມາດທົດລອງສຳພັດກັບຄວາມໄວ ທີ່ກຳລັງທົດສອບໃນປັດຈຸບັນ. ນອກນັ້ນ ຢູນີເທວ ຈະສົມທົບ, ລາຍງານຕໍ່ກະຊວງໄປສະນີ ແລະ ໂທລະຄົມມະນາຄົມ ເພື່ອຈັດຕັ້ງຜັນຂະຫຍາຍ 5G ໃນທົ່ວປະເທດ.
5G ເຮັດໃຫ້ການນໍາໃຊ້ອິນເຕີເນັດ ມີປະສິດທິພາບ ແລະ ໄດ້ຮັບຜົນປະໂຫຍດສູງສຸດ ເປັນເທັກໂນໂລຊີ ທີ່ລໍ້າສະໄຫມ ທັງແມ່ນເຄືອຂ່າຍມືຖືຍຸກສະໄຫມໃຫມ່ ພາຍຫລັງ 4G ດ້ວຍຄວາມໄວທີ່ພົ້ນເດັ່ນ. 5G ແມ່ນເຄືອຂ່າຍບໍ່ມີສາຍທີ່ຈະເຮັດໃຫ້ການເຊື່ອມຕໍ່ກັບໂລກພາຍນອກ ແລະ ເຊື່ອມຕໍ່ກັບ ອິນເຕເນັດ ແບບບໍ່ມີອຸປະສັກຫລືຂໍ້ຈໍາກັດໃດໆ. 5G ໄດ້ເພີ່ມຄວາມໄວໃນການສົ່ງຂໍ້ມູນ 20Gb ຕໍ່ວິນາທີ ມີຄວາມໄວກວ່າ 20 ເທື່ອເມື່ອທຽບກັບ 4G ເຊິ່ງປັດຈຸບັນ ມີຄວາມໄວ 1Gb ຕໍ່ວິນາທີ. ເທັກໂນໂລຢີ 5G ແມ່ນບາດກ້າວທີ່ສຳຄັນ ເພື່ອເຊື່ອມໂຍງບັນດາ ເທັກໂນໂຊຊີ ທີ່ນໍາໜ້າສູ່ສັງຄົມລາວ ເພື່ອໃຫ້ທຽບເທົ່າກັບສາກົນໃນຂອບເຂດພາກພື້ນໃນໂລກ. ເພື່ອປະຕິບັດໃຫ້ໄດ້ຕາມ ທິດທາງ-ແຜນການ ຂອງບໍລິສັດ ສະຕາໂທລະຄົມ ຍັງຈະສືບຕໍ່ ພັດທະນາລະບົບ ເທັກໂນໂລຊີ ທີ່ທັນສະໄໝທີ່ດີທີ່ສຸດ ເພື່ອສະໜອງການບໍລິການ ເຊັ່ນ: 5G, AI, virtual reality (VR), Big data ແລະ ອື່ນໆ ໄປພ້ອມໆກັບການໃຫ້ບໍລິ ການໃໝ່ໆ ເຊັ່ນ: ທະນາຄານ ດີຈີຕອນ ແລະ ລະບົບເທັກໂນໂລຊີ ເພື່ອນໍາໃຊ້ເຂົ້າໃນບັນດາໂຄງການຂອງລັດຖະບານ ເອເລັກໂທຣນິກ.

No comments:

Post a Comment